Tennısten ÁCh: Qazaqstan jasóspirimderi tarıhı nátıjege qol jetkizdi

ASTANA. QazAqparat – Shymkent qalasynda 16 jasqa deıingiler arasynda Juniors Billie Jean King kýbogi (komandalyq álem chempıonaty) Azııa – Tynyq muhıty aımaǵy boıynsha irikteý týrnıri aıaqtaldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, qazaqstandyq qyzdar búgin tartysty fınaldyq matchta jarystyń birinshi raketkalary – Japonııa quramasyna ese jiberdi.

Aldymen, Anastasııa Krymkova ıAmomotony 6:3, 6:4 esebimen utty. Sodan keıin Polına Sleptsova Japonııa quramasynyń kóshbasshysy, jasóspirimder arasynda álemniń 68-raketkasy Tsýdjıokaǵa jol berdi – 5:7, 4:6. Juptyq synda Arıana Gogýlına meen Anastasııa Krymkova qarsylastarynan jeńilip qaldy – 4:6, 1:6.

Sońǵy básekede utylyp qalǵanyna qaramastan, ıAroslava Shvedovanyń shákirtteri alǵash ret komandalyq álem chempıonatyna joldama aldy.

Osyǵan oraı Qazaqstan tennıs federatsııasynyń prezıdenti Bolat Ótemuratov óz pikirin bildirdi.

«16 jasqa deıingi qyzdar quramasyn álem chempıonatyna joldama alýymen quttyqtaımyn. Komanda óz jerimizde irikteý satysyn sátti ótkizip, kúshti quramalardy jeńdi. Ásirese, jartylaı fınalda jasóspirimder arasynda Bıllı Djıng Kıng kýboginiń bes dúrkin chempıony – Aýstralııany utty. Fınalda tartysty básekede Japonııaǵa jol bergenimen, basty mindetti oryndady. Alǵash ret 16 jasqa deıingiler arasynda álem chempıonatyna shyqty. Bapkerlermen birge jasóspirim qyzdar joǵary deńgeıdi kórsete bildi. Bul bizdiń Qazaqstan tennısin damytýdaǵy jolymyzdyń durystyǵyn tanytady. Іrikteý saıysyndańy jeńister álem chempıonatynda jalǵasady dep úmittenemin», dedi B.Ótemuratov.

Eske sala keteıik, budan buryn qazaqstandyq jasóspirim qyzdardyń alǵash ret tennısten álem chempıonatyna joldama alǵanyn jazǵan bolatynbyz.