Tennısten ÁCh: Qazaqstan jasóspirimderi irikteý týrnıriniń shırek fınalynda Taıbeımen oınaıdy
ASTANA. QazAqparat – Shymkent qalasynda 16 jasqa deıingiler arasynda tennısten álem chempıonaty Azııa – Tynyq muhıt aımaǵy boıynsha irikteý týrnıriniń shırek fınalynda Qazaqstan jasóspirimder quramasy Taıbeımen kezdesedi, dep habarlaıdy QazAqparat tilshisi.
Qazaqstan jasóspirimderi V tobynda sońǵy oıynda Azııadaǵy myqty quramalardyń biri – Japonııamen sheberlik baıqasty. Bulardyń ekeýi de kúni buryn shırek fınalǵa joldama alǵan-dy.
Qazaqstandyqtar tartysty matchta 0:2 esebimen ese jiberdi. Arıana Gogýlına 2,5 saǵatqa sozylǵan básekede ıAmomoto Hıkarıge jol berdi – 6:3, 5:7, 3:6.
Polına Sleptsova Shıho Ttsýdjıokıden utyldy – 6:7 (5:7), 4:6. Birinshi partııada Polına 2:5 esebimen jeńilip jatyp, tarazy basyn teńestirdi. Degenmen taı-breıkte sáttilik jetispedi.
Osylaısha, jerebe qorytyndysyna sáıkes ıAroslava Shvedovanyń shákirtteri shırek fınalda qytaılyq Taıbeı quramasymen oınaıdy.
Eske sala keteıik, budan buryn tennısten álem chempıonatynda Qazaqstan jasóspirimderiniń irikteý týrnıriniń shırek fınalyna shyqqanyn jazǵan bolatynbyz.
Aleksandr Býblık Frantsııadaǵy týrnırdiń ekinshi aınalymyna shyqty.
