Tennısten ÁCh: Qazaqstan jasóspirimderi irikteý týrnıriniń shırek fınalyna shyqty
ASTANA. QazAqparat – Qazaqstan qyzdar quramasy Shymkent qalasynda 16 jasqa deıingiler arasynda Azııa – Tynyq muhıt aımaǵy boıynsha ótip jatqan tennısten álem chempıonaty irikteý týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, búgin qazaqstandyq qyzdar Iran komandasymen sheberlik baıqasty.
Kúnniń jeldi bolǵanyna qaramastan, qazaqstandyqtar qolaısyz aýa raıyna tez beıimdeldi.
Aldymen Anastasııa Krymkova bir saǵattan sál astam ýaqytqa sozylǵan kezdesýde Atfı Nıtıden aılasyn asyrdy – 6:3, 6:3.
Arıana Gogýlına dál sondaı eseppen ıAsaman ıAzdanıdiń meselin qaıyrdy – 6:3, 6:3.
Úshinshi oıynda A.Krymkova Polına Sleptsovamen birge juptyq synda Qazaqstan quramasyna úshinshi upaıdy alyp berdi – 6:4, 6:1.
Osylaısha, qazaqstandyqtar merziminen buryn shırek fınalǵa joldama aldy. 3 mamyr kúni ıAroslava Shvedovanyń shákirtteri Japonııamen oınaıdy. Japonııa da kúni búryn shırek fınalǵa shyqty. Sondyqtan bul básekede V tobynda kimniń birinshi orynmen shırek fınalǵa shyǵatyny sheshiledi.
Shırek fınal jerebesi 3 mamyr kúni keshkisin tartylady. Álem chempıonatyna Azııa – Tynyq muhıt aımaǵynan tek úsh komanda joldama alady.
Eske sala keteıik, budan buryn Qazaqstan jasóspirimderiniń irikteý týrnırin jeńispen bastaǵanyn jazǵan bolatynbyz.
