Tennısten ÁCh: Qazaqstan jasóspirimderi irikteý týrnırin jeńispen bastady
ASTANA. QazAqparat – Shymkent qalasynda 16 jasqa deıingiler arasynda Azııa – Tynyq muhıt aımaǵy boıynsha álem chempıonatynyń irikteý týrnıri bastaldy, dep habarlaıdy QazAqparat tilshisi.
Jarystyń alǵashqy kúni Qazaqstan qyzdar komandasy V tobynda Vetnam quramasyn 3:0 esebimen utty.
Birinshi oıynda Arıana Gogýlına Ngýendi 6:1, 6:0 esebimen tize búktirdi. Polına Sleptsova Ngony 6:1, 6:3 esebimen utty. Juptyq synda A.Gogýlına Anastasııa Krymovamen birge apaly-sińlili Ngolardan 6:3, 6:0 esebimen basym tústi.
Osylaısha, ıAroslava Shvedovanyń shákirtteri óz tobynda kósh bastady. Erteń qazaqstandyq qyzdar Iran quramasymen synǵa túsedi.
Eske sala keteıik, budan buryn tennısten álem chempıonatynyń irikteý týrnırinde Qazaqstan qyzdar quramasynyń qarsylastary anyqtalǵanyn jazǵan bolatynbyz.
