Tennısten ÁCh: Qazaqstan jasóspirimderi irikteý kezeńiniń jartylaı fınalyna shyqty

ASTANA. QazAqparat – Malaızııanyń Kýchıng qalasynda 14 jasqa deıingiler arasynda tennısten komandalyq álem chempıonaty Azııa – Tynyq muhıt aımaǵy boıynsha irikteý kezeńiniń jartylaı fınalısteri anyqtaldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Mádına Rahymnyń shákirtteri shırek fınalda irikteý týrnıriniń ekinshi raketkasy – Úndistan komandasyn utty.

Aldymen Eva Korysheva qarsylasyn 6:1, 6:1 esebimen oısyrata jeńdi. Sodan keıin Erkejan Jańataeva da qalyspady – 6:4, 6:7, 6:2.

Qazaqstan jasóspirimder quramasy 24 naýryz kúni jartylaı fınalda Japonııamen oınaıdy. Japonııalyqtar shırek fınalda Taıland komandasynan basym tústi.

Bıyl Azııa – Tynyq muhıt aımaǵynan komandalyq álem chempıonatynyń fınaldyq satysyna úsh joldama beriledi. Fınaldyq kezeń jazda Chehııanyń Prosteev qalasynda ótedi.

Eske sala keteıik, budan buryn Elena Rybakınanyń Maıamı masters týrnırindegi qarsylasy anyqtalǵanyn jazǵan bolatynbyz.

Sondaı-aq álemniń 1-raketkasy Iga Shventek Maıamı masters týrnırine qatyspaıdy.

Tennısten álem chempıonatynda Qazaqstan jasóspirimder quramasynyń shırek fınaldaǵy qarsylasy anyqtaldy.

Aleksandr Býblık Maıamı masters týrnırinde jarys jolynan shyǵyp qaldy.