Tennısten ÁCh: Qazaqstan jasóspirimderi irikteý kezeńinde 4-orynǵa taban tiredi
Qazaqstan tennıs federatsııasynyń baspasóz qyzmetinen málim etkeneı, Mádına Rahymnyń shákirtteri qola júlde úshin básekede irikteý týrnıriniń birinshi raketkasy bolyp tirkelgen Aýstralııa komandasymen synǵa tústi.
Aldymen, Sábına Shýhratova qarsylasyna 1:6, 3:6 esebimen ese jiberdi. Ekinshi kezdesýde Eva Korysheva da jeńiske jete almady – 2:6, 1:6.
Osylaısha, Qazaqstan jasóspirimder quramasy tórtinshi orynǵa ıe bolyp, álem chempıonatynyń fınaldyq kezeńinen tys qaldy.
«Maqsat álem chempıonatyna joldama alý bolatyn. Qyzdar tyrysqanymen, sáttilik jetispedi. Toptyq básekede Jańa Zelandııa men qytaılyq Taıbeıdi utty. Shırek fınalda irikteý kezeńiniń ekinshi raketkasy bolyp tirkelgen Úndistan quramasyn oısyrata jeńdi. Jyl saıyn komandada alǵa jyljý baıqalyp otyr. Ótken jyly altylyqqa ensek, bıyl úzdik tórttikke iliktik. Sondyqtan, komanda kapıtany Mádına Rahym men qyzdarǵa jeńiske degen jigeri úshin alǵysymdy aıtqym keledi. Sondaı-aq, aldaǵy dúısenbiden bastap irikteý týrnırine qatysatyn qazaqstandyq uldarǵa sáttilik tileımin», - dedi Qazaqstan tennıs federatsııasynyń 14 jáne odan kishi jastaǵy oıynshylardy damytý jónindegi menedjeri Shýhrat Kaıýmov.
Eske sala keteıik, budan buryn qazaqstandyq tennısshilerdiń juptyq synda Maıamı masters týrnırin jeńispen bastaǵanyn jazǵan bolatynbyz.
Sondaı-aq, Elena Rybakına Maıamı masters jarysynyń úshinshi aınalymyna ótti jáne ol jeke rekordyna qol jetkizdi.
Qazaqstan men Aýstralııanyń jasóspirim tennısshileri álem chempıonatynyń joldamasyn sarapqa salatyny habarlandy.
