Tennısten ÁCh: Qazaqstan jasóspirimder quramasynyń shırek fınaldaǵy qarsylasy anyqtaldy

ASTANA. QazAqparat – Kýchıngte (Malaızııa) 14 jasqa deıingiler arasynda ótip jatqan komandalyq álem chempıonaty Azııa – Tynyq muhıt aımaǵy boıynsha irikteý kezeńinde Qazaqstan jasóspirimder quramasynyń qarsylasy anyqtaldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, A tobyndaǵy sońǵy matchta qazaqstandyqtar Aýstralııaǵa 0:2 esebimen ese jiberdi.

Sóıtip munyń aldynda qytaılyq Taıbeı men Jańa Zelandııany tize búktirgen Qazaqstan jasóspirimder quramasy óz tobynan shırek fınalǵa ekinshi orynmen shyqty. Olar 23 naýryzda myqty sanalatyn Úndistan komandasymen jartylaı fınal joldamasyn sarapqa salady.

Eske sala keteıik, budan buryn tennısten álem chempıonatynda Qazaqstan jasóspirimder quramasynyń irikteý kezeńinde pleı-off kezeńine shyqqanyn, sondaı-aq Elena Rybakınanyń Maıamı masters týrnırindegi qarsylasy anyqtalǵanyn jazǵan bolatynbyz.

Álemniń birinshi raketkasy Iga Shventek Maıamı masters týrnırine qatyspaıdy.