Tennısten ÁCh: Qazaqstan jasóspirimder quramasy qola júldege talasady
NUR-SULTAN. QazAqparat – Qazaqstan jasóspirimder quramasy Prosteev qalasynda (Chehııa) 14 jasqa deıingiler arasynda ótip jatqan komandalyq álem chempıonatynyń (2022 ITF World Junior Tennis Finals) jartylaı fınalynda Germanııamen sheberlik baıqasty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, germanııalyqtar birinshiliktiń ekinshi raketkasy bolyp tirkelgen.
Aldymen, Danıel Tazabekov germanııalyq Dıego-Debýro Palomeroǵa ese jiberdi – 4:6, 1:6.
Sodan keıin tartysty matchta Zańǵar Nurlanuly Eýropa jasóspirimder reıtıngisinde tórtinshi orynda turǵan Nıls Makdonaldtan aılasyn asyra almady – 4:6, 5:7.
Osylaısha, Germanııa quramasy fınalǵa shyqty da, qazaqstandyqtar erteń qola júlde úshin talasatyn boldy. Qazaqstandyqtardyń qarsylasy keıin anyqtalady.
Eske sala keteıik, budan buryn Qazaqstan jasóspirimderiniń tennısten álem chempıonatynyń jartylaı fınalyna shyqqanyn jazǵan bolatynbyz.
Sondaı-aq, Qazaqstan jasóspirimder quramasy álem chempıonatynyń jartylaı fınalynda Germanııamen oınaıtyny jarııalandy.
Foto: ktf.kz
