Tennısten ÁCh: Qazaqstan jasóspirimder quramasy Ekvadorǵa jol berdi
NUR-SULTAN. QazAqparat - Chehııanyń Prosteev qalasynda tennısten 14 jasqa deıingiler arasynda komandalyq álem chempıonaty ótýde, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, qazaqstandyq jasóspirimder bastapqy matchyn Ekvador quramasymen ótkizdi.
Birinshi kezdesýde Damır Jalǵasbaı Tıto Chaveske ese jiberdi - 4:6, 2:6.
Zańǵar Nurlanuly Lýkas ıÝnesti 6:3, 6:3 esebimen tize búktirip, tarazy basyn teńestirdi - 1:1.
Úshinshi juptyq básekede Zańǵar men Damır Emılıo Kamacho - Tıto Chavesten aılasyn asyra almady - 3:6, 3:6.
Osylaısha, 2:1 esebimen Ekvador jeńiske jetti.
Erteń, 2 tamyz kúni qazaqstandyq jasóspirimder Argentına quramasymen oınaıdy.
Eske sala keteıik, budan buryn álem chempıonatynda Qazaqstan jasóspirimder quramasynyń qarsylastary anyqtalǵanyn , Anna Danılınanyń álemdik reıtıngide 19-orynǵa kóterilgenin jazǵan bolatynbyz.
