Tennısten ÁCh: Qazaqstan Ulybrıtanııa quramasyn jeńip ketti
ASTANA. QazAqparat – Shotlandııanyń Glazgo qalasynda tennısten komandalyq álem chempıonaty – Bıllı Djın Kıng kýbogynyń fınaldyq kezeńinde S tobynda Qazaqstan Ulybrıtaııa quramasyn utty, dep habarlaıdy QazAqparat tilshisi.
Ekinshi kezdesýde Qazaqstannyń birinshi, álemniń 22-raketkasy Elena Rybakına men dúnıejúzilik reıtıngte 98-satyda turǵan Herrıet Dart kortqa shyqty.
Osyǵan deıin qarsylastardyń eki márte joldary toqaılasqan. Ekeýinde de qazaqstandyq tennısshi brıtandyqtan aılasyn asyrdy.
Birinshi partııada esep 1:1 bolǵannan keıin E.Rybakına des bermeı, qatarynan bes geımdi aldy - 6:1.
Ekinshi setti qazaqstandyq sportshy 2:0 esebimen sátti bastaǵanymen, Dart tarazy basyn teńestirdi. Esep 4:4 bolǵan mezette Elena taǵy bir breıkke qol jetkizdi. Sodan keıin matchqa dop bergende, múmkindigin jibergen joq – 6:4.
Osylaısha, Qazaqstan 2:0 esebimen alǵa shyǵyp, jeńisti qamtamasyz etti. Endi qalǵan juptyq báseke eshteńeni sheshpeıdi.
Sársenbi kúni qazaqstandyq qyzdar S tobynda Ispanııamen sheberlik baıqasady. Ony jeńse, jartylaı fınalǵa joldama alady.
Eske sala keteıik, budan buryn tennısten komandalyq álem chempıonatynda Qazaqstan quramasy Ulybrıtanııamen kezdesetinin jazǵan bolatynbyz.
Sondaı-aq Ulybrıtanııamen matchta ıÝlııa Pýtıntseva Qazaqstandy alǵa shyǵardy.
