Tennısten ÁCh: Qazaqstan áıelder quramasy irikteý satysynda Polshamen oınaıdy
ASTANA. QazAqparat – Shotlandııanyń Glazgo qalasynda 2023 jylǵy komandalyq álem chempıonaty – Bıllı Djın Kıng kýbogi irikteý saıysynyń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, áıelder quramasy irikteý satysynda Polshamen oınaıdy.
Polshamen match 2023 jyldyń 14-15 sáýir kúnderi Qazaqstanda ótedi. Jeńgen komanda fınaldyq kezeńge joldama alady.
Іrikteý matchy tórt jekeleı jáne bir juptyq kezdesýden turady jáne úsh settik formatta ótedi.
Bıyl komandalyq álem chempıonatynyń fınaldyq kezeńinde alǵash ret óner kórsetken qazaqstandyq qyzdar S tobynda Ulybrıtanııany 2:1 esebimen jeńip, Ispanııadan 0:3 esebimen utylyp qaldy.
Polsha quramasy da AQSh pen Chehııaǵa 1:2 esebimen jol berip, óz tobynan shyǵa almady. Alaıda, Polsha sapynda álemniń 1-raketkasy Iga Shventek bolǵan joq.
Eske sala keteıik, budan buryn ataqty tennısshi Bıllı Djın Kıngtiń Qazaqstan quramasymen kezdeskenin jazǵan bolatynbyz.
Sondaı-aq, qazaqstandyq jas tennısshiler Óskemendegi týrnırde tabysty óner kórsetti.
Qazaqstandyq tennısshi Slovakııadaǵy týrnırde jeńimpaz atandy.
