Tennısten ÁCh: Qazaqstan áıelder quramasy Brısbende jattyǵyp jatyr
ASTANA. KAZINFORM — Aýstralııanyń Brısben qalasynda tennısten Qazaqstan áıelder quramasy Bıllı Djın Kıng kýbogynyń irikteý týrnırine qyzý jattyǵýǵa kiristi.
Qazaqstandyqtar D tobynda 10 sáýir kúni Aýstralııamen, 11-inde Kolýmbııamen oınaıdy.
Úmitker úsheý bolǵanymen, ár toptan jeńimpaz ǵana komandalyq álem chempıonatynyń fınaldyq kezeńine joldama alady.
Qazaqstan namysyn aıtýly dodada Elena Rybakına, ıÝlııa Pýtıntseva, Zarına Dııas, Anna Danılına jáne Jibek Qulambaeva qorǵaıdy. Komanda kapıtany — ıÝrıı Şýkın.
— Biz joǵary maqsat qoıyp otyrmyz, barymyzdy salyp, jattyǵýdamyz. Aýstralııa, Kolýmbııamen matchtar ońaılyqqa túspeıdi. Degenmen bizdiń quram myqty, komandanyń ishki ahýaly da jaqsy, — dedi Qazaqstannyń juptyq syndaǵy birinshi, álemniń 18-raketkasy Anna Danılına.
Jibek Qulambaeva Jeńiske múmkindik kóp ekenin aıtty.
— Quramada bolý — qashanda maqtanysh. Úzdik ónerimizdi kórsetip, komandaǵa jaqsy nátıjege jetýge kómekteskimiz keledi. Osy kezeńnen tabysty ótý úshin bizde barlyq múmkindik bar, — dep qosty Jibek Qulambaeva.
Qos kezdesý de Patrık Rafter atyndaǵy arenada ótedi.
Eske sala keteıik, budan buryn Dmıtrıı Popkonyń Qazaqstannyń úshinshi raketkasy atanǵanyn jazǵan bolatynbyz.
Sondaı-aq qazaqstandyq jas tennısshi Ózbekstandaǵy jarystyń chempıony atandy.