Tennısten ÁCh: Іrikteý týrnırinde Qazaqstan qyzdar quramasynyń qarsylastary anyqtaldy

ASTANA. QazAqparat - Shymkent qalasynda 1-13 mamyrda 16 jasqa deıingiler arasynda Azııa - Tynyq muhıt aımaǵy boıynsha tennısten álem chempıonatynyń irikteý týrnıri ótedi, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, aldymen 1-6 mamyrda qyzdar komandalary saıysqa túsedi.

Búgin tartylǵan jerebe qorytyndysyna sáıkes Qazaqstan quramasy V tobynda Japonııa, Iran jáne Vetnam komandalarymen oınaıdy.

Qazaqstandyq qyzdar 1 mamyr kúni Vetnam quramasymen kortqa shyǵady.

El namysyn almatylyq Polına Sleptsova, astanalyq Arıana Gogýlına jáne tarazdyq Anastasııa Krymkova qorǵaıdy.

Komanda kapıtany ıAroslava Shvedova baptaıtyn Qazaqstan quramasynda Іńkár Dúısebaı nómir birinshi oıynshy bolatyn. Áıtse de Іńkár Ózbekstanda alǵan jaraqatynan tolyq aıyqpaǵan edi. Onyń ústine ózin jaısyz sezingendikten, Іńkárdi A.Krymkova almastyrdy.

Ár toptan úzdik eki komanda pleı-off satysyna joldama alady. Azııa - Tynyq muhıt aımaǵy boıynsha qyzdar komandalary arasynda irikteý saıystary qorytyndysynda alǵashqy úsh oryndy ıelengen quramalar álem chempıonatyna qatysady.

Eske sala keteıik, budan buryn Sergeı Kvaktyń tennısten álem chempıonatyna joldama alý úshin baryn salatynyn aıtqanyn jazǵan bolatynbyz.

Sondaı-aq qazaqstandyq tennısshiler Túrkııadaǵy týrnırdiń fınalısi atandy.