Tennısten ÁCh: irikteý kezeńinde Qazaqstan jasóspirimder quramasynyń qarsylastary anyqtaldy
ASTANA. QazAqparat - Malaızııanyń Kýchıng qalasynda 14 jasqa deıingiler arasynda álem chempıonaty Azııa - Tynyq muhıt aımaǵy boıynsha irikteý kezeńiniń toptyq básekeleri bastaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, irikteý saıysyn alǵashqy bolyp qyzdar bastady.
Jerebe qorytyndysyna sáıkes Qazaqstan jasóspirimder quramasy A tobyna tústi. Onda Aýstralııa, Jańa Zelandııa jáne qytaılyq Taıbeı quramalarymen oınaıdy.
Búgin qyzdar Jańa Zelandııa jáne Taıbeı quramalarymen synǵa túsedi.
Qazaqstan namysyn myna sportshylar qorǵaıdy:
Eva Korysheva (Aqtóbe);
Sábına Shýhratova (Shymkent);
Erkejan Jańataeva (Almaty).
Komanda kapıtany - Mádına Rahym.
Komandalyq álem chempıonatynyń irikteý kezeńine qatysatyn 16 komanda tórt topqa bólingen. Ár toptan pleı-off satysyna eki komanda shyǵady. Sosyn olar fınaldyq kezeńge beriletin joldamany sarapqa salady. Azııa - Tynyq muhıt aımaǵynan uldar arasynda 4, qyzdarda 3 joldama ıesi anyqtalady.
Eske sala keteıik, budan buryn Elena Rybakınanyń Maıamı masters týrnırinde óner kórsetetinin jazǵan bolatynbyz.
Sondaı-aq ıspanııalyq tennısshi Karlos Alkaras álemdik reıtıngide kósh bastady.
