Tennısshiler Kenjebaeva men Jıenbaeva Astanadaǵy jarystyń 1/8 fınalyna shyqty

ASTANA. KAZINFORM — Qazaqstandyqtar Sandýǵash Kenjebaeva men Sonıa Jıenbaeva Astanada ótip jatqan ITF W35 týrnıriniń ekinshi aınalymyna joldama aldy.

Dúnıejúzilik reıtıngide 1013-orynda turǵan S. Kenjebaeva bastapqy kezdesýin álemniń 419-raketkasy, reseılik Ekaterına Maklakovamen ótkizdi.

Birinshi partııany Sandýǵash 6:4 esebimen óz paıdasyna sheshti. Ekinshisinde taı-breıkte Maklakova sátti oınady — 7:6 (7:0).

Úshinshi, sheshýshi sette Kenjebaeva jeńisti julyp aldy — 6:4. Tartysty báseke 2 saǵat 53 mınýtqa sozyldy. 

Álemniń 866-raketkasy Sonıa Jıenbaeva otandasy Anastasııa Krymkovadan aılasyn asyrdy — 6:3, 6:3. 

Basqa qazaqstandyq tennısshiler alǵashqy aınalymnan asa almady. S. Kenjebaeva shırek fınalǵa shyǵý úshin reıtıngide 1268-satydaǵy ázerbaıjandyq Mıshel Djachangırovamen synǵa túsedi.

S.Jıenbaevanyń kelesi qarsylasy — álemniń 349-raketkasy, ońtústikkoreıalyq Da En Bek.

Taǵy bir qazaqstandyq Zarına Dııas Varshava chellendjer dodasynyń ekinshi aınalymynda Polsha ókili Maııa Hvalınskadan 4.6, 0:6 esebimen utylyp, shırek fınaldan tys qaldy.

Qazaqstannyń erler arasynda juptyq syndaǵy birinshi raketkasy Aleksandr Nedovesov ekvadorlyq Gonsalo Eskobarmen birge Kıttsbıýel (Aýstrııa) ATP 250 týrnıriniń shırek fınalynda germanııalyqtar Hendrık Iebens — Konstantın Frantsennen jeńilis tapty — 4:6, 3:6.

Esesine Dmıtrıı Popko túrkııalyq Ergı Kırkınmen birge Tampere (Fınlıandııa) chellendjer týrnıriniń alǵashqy aınalymynda qarsylastary kelmeı qaldy da, oınamastan shırek fınalǵa joldama aldy. 

Eske sala keteıik, budan buryn Astanada 16 jasar Ámir Omarhanovtyń eresek qarsylasyn utqanyn jazǵan bolatynbyz.

Sondaı-aq Anna Danılına Rýmynııada kambek jasap, jartylaı fınalǵa shyqty. 

Parıj Olımpıadasynda Elena Rybakına men Aleksandr Býblık mıkste oınaıdy.