Tennısshi Jibek Qulambaeva Shymkent týrnıriniń jeńimpazy atandy
NUR-SULTAN. QazAqparat – Jibek Qulambaeva juptyq synda Shymkent ITF týrnıriniń jeńimpazy atandy, dep habarlaıdy QazAqparat tilshisi.
Jarystyń 1-raketkasy bolyp tirkelgen Jibek Qulambaeva nıderlandylyq Djýdıt Vısshermen birge fınalda qazaqstandyqtar Janel Rústemova – Arýjan Saǵyndyqovamen birge bas júldeni sarapqa saldy.
Birinshi partııa tartysty órbip, taı-breıkte Jibek pen Djýdıt sátti oınady – 7:6 (7:4).
Ekinshi partııada olardyń basymdylyǵy aıqyn sezildi – 6:1.
Osylaısha, Jibek Qulambaeva Shymkentte ekinshi ret qatarynan juptyq synda úzdik shyqty. Ótken aptada reseılik Anastasııa Sýhotınamen birge chempıon atanǵan edi.
Jibek jekeleı synda da tabysty óner kórsetip keledi. Búgin ol Anastasııa Sýhotınany 6:2, 4:6, 6:1 esebimen tize búktirip, fınalǵa joldama aldy. Erteń sońǵy básekede taǵy bir reseılik Tatıana Barkovamen synǵa túsedi.
Eske sala keteıik, budan buryn qazaqstandyq tennısshilerdiń Shymkent týrnıriniń fınalyna shyqqanyn, jasóspirimder quramasynyń tuńǵysh ret álem chempıonatyna joldama alǵanyn jazǵan bolatynbyz.
