Tennısshi Jibek Qulambaeva Italııadaǵy týrnırdiń shırek fınalyna shyqty
NUR-SULTAN. QazAqparat - Qazaqstandyq Jibek Qulambaeva ITF W60 serııasy boıynsha Italııanyń Breshııa qalasynda ótip jatqan týrnırdiń juptyq synynda shırek fınalǵa shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Jibek latvııalyq Dıana Martsınkevıchpen birge júlde qory 60 myń AQSh dollaryna baǵalanǵan jarysta ıtalııalyqtar Melanı Delaı - Angelıka Raggıdi bir saǵatta 6:1, 6:0 esebimen oısyrata utty.
Qazaqstandyq-latvııalyq jup jartylaı fınalǵa shyǵý úshin dodanyń ekinshi raketkalary, taıbeılik ıÝ Chen Hsıeh - shveıtsarııalyq Ksenııa Knolmen talasady.
J.Qulambaeva jekeleı synda irikteý saıystarynyń fınalynda ıtalııalyq Avrora Zandechchıge jol berdi - 3:6, 2:6.
Erler arasynda Denıs Evseev Lıttl-Rokta (AQSh) ótip jatqan chellendjer týrnıriniń ekinshi aınalymyna óte almady. Ol aýstralııalyq Rınkı Hıdjıkateden utylyp qaldy - 7:6 (7:3), 4:6, 3:6.
Italııanyń Forle chellendjer jarysynda Tımofeı Skatov alǵashqy aınalymda álemniń 66-raketkasy, kort ıesi Lorentso Mýzettımen taıtalasyp, jeńiliske ushyrady - 4:6, 7:5, 1:6.
Eske sala keteıik, budan buryn Andreı Golýbevtiń álemdik reıtıngide úzdik ondyqqa kirgisi keletini týraly aıtqanyn jazǵan bolatynbyz.
