Tennısshi Jibek Qulambaeva Almaty týrnıriniń jeńimpazy atandy
NUR-SULTAN. QazAqparat – Qazaqstandyq Jibek Qulambaeva juptyq synda Almaty ITF W25 týrnıriniń jeńimpazy atandy, dep habarlaıdy QazAqparat tilshisi.
Qazaqstandyq tennısshi reseılik Ekaterına ıAshınamen birge osy jarystyń 2-raketkalary bolyp tirkelgen edi. Olar fınalda dodanyń 1-raketkalary, reseılikter Amına Anshba - Sofıa Lanseremen bas júldeni sarapqa saldy. Fınalǵa saı tartysty ótken básekede qazaqstandyq-reseılik jup 7:6 (7:4), 5:7, 10:8 esebimen jeńiske jetti. Osylaısha, J. Qulambaeva juptyq synda óziniń sporttyq jolyndaǵy 18-tıtýlyna qol jetkizdi.
Jibektiń Almaty jarysynyń absolıýtti chempıony atanatyndaı múmkindigi bar. Ol erteń jekeleı synda da fınaldyq matchyn ótkizedi.
Eske sala keteıik, budan buryn Anna Danılınanyń AQSh ashyq chempıonatynyń úshinshi aınalymyna shyqqanyn jazǵan bolatynbyz.
Sondaı-aq, Almaty týrnıriniń fınalyna shyqqan tennısshiler anyqtaldy.
