Tennısshi Jibek Qulambaeva Almaty týrnıriniń fınalyna joldama aldy
NUR-SULTAN. QazAqparat – Qazaqstandyq tennısshi Jibek Qulambaeva Almaty ITF W25 týrnırin sátti ótkizip jatyr, dep habarlaıdy QazAqparat tilshisi.
Qazaqstan tennıs federatsııasynan málim etkendeı, Jibek Qulambaeva jekeleı synda shırek fınalda reseılik Anastasııa Zolotarevany tas-talqan etti – 6:0, 6:4.
Jibek fınalǵa shyǵý úshin Belarýs ókili Darıa Homýtıanskaıamen talasady.
J.Qulambaeva sondaı-aq juptyq synda reseılik Ekaterına ıAshınamen birge fınalǵa shyqty.
Qazaqstandyq-reseılik jup jartylaı fınalda úndistandyqtar Chaýdharı Vaıdehı – Shrıvalı Bhamadıpatıdi tize búktirdi – 6:4, 3:6, 10:7.
Sońǵy básekede J.Qulambaeva men E.ıAshına reseılikter Amına Anshba – Sofıa Lansere nemese Ekaterına Maklakova – Aleksandra Pospelova juptarynyń qaı jeńgenimen bas júldeni sarapqa salady.
Eske sala keteıik, budan buryn AQSh ashyq chempıonatynda Anna Danılınanyń ekinshi aınalymǵa shyqqanyn jazǵan bolatynbyz.
Sondaı-aq qazaqstandyq eki tennısshi Ispanııadaǵy jarystyń shırek fınalyna ótti.
Tennısshi Beıbit Jýkaev Taılandtaǵy jarystyń jartylaı fınalyna shyqty.
Foto: ktf.kz
