Tennısshi Zarına Dııas Osaka týrnıriniń shırek fınalyna shyǵa almady
NUR-SULTAN. QazAqparat – Qazaqstandyq Zarına Dııas Osaka WTA týrnıriniń shırek fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 85-orynda turǵan Z.Dııas ekinshi aınalymda osy jarystyń besinshi, álemniń 16-raketkasy, amerıkalyq Medıson Kıspen kezdesti.
Tartysty órbigen birinshi partııada esep 6:5 bolǵanda, qazaqstandyq tennısshi breık jasaı bildi – 7:5.
Ekinshi partııada Zarına dop bergen birinshi geım uzaqqa sozylyp, Kıs breık jasap ketti – 1:0. Sodan soń amerıkalyq sportshy des bergen joq – 6:0.
Úshinshi setti bastaǵan Z.Dııas bul joly qarsylasynyń breık jasaýyna múmkindik bermedi. Úshinshi geımde M.Kıs breık jasap, alǵa shyqqanymen, Zarına sol boıda teńestirdi – 2:2. Degenmen amerıkalyq tennısshi set barysynda taǵy bir breıkke qol jetkizip, matchty jeńispen aıaqtaı aldy – 6:4.
Tartysty báseke 2 saǵat 7 mınýtqa sozyldy.
M.Kıs shırek fınalda kezinde reıtıngte kósh bastaǵan, qazir álemniń 15-raketkasy, germanııalyq Anjelıka Kerbermen sheberlik baıqasady.
Eske sala keteıik, budan buryn ıÝlııa Pýtıntsevanyń Osaka týrnıriniń ekinshi aınalymyna shyqqanyn, Mıhaıl Kýkýshkınniń Sankt-Peterbor jarysyn sátti bastaǵanyn, al Elena Rybakınanyń Qytaıdaǵy dodada utylyp qalǵanyn jazǵan bolatynbyz.
