Tennısshi Zarına Dıas maýsymdy qorytyndylady
ASTANA. QazAqparat - Qazaqstandyq tennısshi Zarına Dıas maýsym qorytyndylaryn shyǵardy, dep habarlaıdy QazAqparat.
«2018 jylǵy maýsym aıaqtalyp qaldy. Jyl oqıǵalar men qyzyqty matchtarǵa toly boldy. Árıne, ońaı tımegen sátter de boldy, biraq olardan óte aldym. Barlyǵy sizderdiń qoldaýlaryńyzdyń arqasy», - dep jazdy ol Instagramdaǵy paraqshasynda.
Budan basqa, sportshy óziniń komandasy, otbasy jáne dostaryna alǵysyn bildirdi. «Senimderińiz meni jańa qadamdarǵa ıtermelep otyr. Azdap demalǵan soń, jattyǵýlaryma jáne 2019 jyldyń jańa maýsymyna daıyndyqqa kirisemin», - deıdi Zarına Dıas.
