Tennısshi Zarına Dıas bir jylda jarty mıllıon dollardan astam tabysqa qol jetkizdi
ASTANA. QazAqparat - 20 jastaǵy qazaqstandyq tennısshi Zarına Dıas týrnırlerde qol jetkizgen jetistikteriniń arqasynda bir jylda 500 myń dollardan astam oljaǵa keneldi, dep habarlaıdy Vesti.kz.
Jas sportshy az ýaqytta 700 myń dollar paıda taýyp úlgerdi. Onyń 500 myń dollary osy jylǵa tıesili.
2013 jyldyń sońynda Dıas WTA reıtıngisinde 163-shi orynda bolǵan. Qazir ol 48-shi satyǵa jaıǵasty. Názik jandy sportshy US Open aıaqtalǵan soń TOP-40 qataryna enýi tıis. Sondaı-aq ol ıAroslava Shvedovadan ozyp, Qazaqstannyń birinshi raketkasy atanǵan.
