Tennısshi ıÝlııa Pýtıntseva Madrıdte tartysty matchta qarsylasyna ese jiberdi
NUR-SULTAN. QazAqparat – Qazaqstandyq, álemniń 44-raketkasy ıÝlııa Pýtıntseva Madrıd WTA 1000 týrnıriniń úshinshi aınalymyna shyǵa almady, dep habarlaıdy QazAqparat tilshisi.
ıÝ.Pýtıntseva ekinshi aınalymda álemniń 16-ynshy, osy iri jarystyń 14-raketkasy, 18 jastaǵy amerıkalyq Korı Gaýfpen sheberlik baıqasty.
Birinshi partııada amerıkalyq tennısshi basymdylyq tanytty – 6:1.
Ekinshisinde ıÝ.Pýtıntseva ese qaıyrdy – 6:2.
Úshinshi, sheshýshi sette K.Gaýff breıkpen alǵa ketti – 2:0. Degenmen qazaqstandyq sportshy sol boıda tarazy basyn teńestirdi – 2:2. Alaıda esep 4:4 bolǵan mezette amerıkalyq tennısshi taǵy bir breık jasap, matchqa dop bergende, múmkindigin jibermedi – 6:4.
Tartysty ótken báseke 2 saǵat 20 mınýtqa sozyldy.
K.Gaýff júlde qory 6,5 mln eýrodan asatyn dodanyń shırek fınalyna shyǵý úshin álemniń 21-raketkasy, rýmynııalyq Sımona Haleppen talasady. Ol ekinshi aınalymda álemniń 2-raketkasy, ıspanııalyq Paýla Badosany 6:3, 6:1 esebimen tize búktirdi.
Qazaqstannyń birinshi, álemniń 18-raketkasy Elena Rybakına búgin ekinshi kezdesýin dúnıejúzilik reıtıngte 51-orynda turǵan chehııalyq Katerına Sınıakovamen ótkizedi.
Juptyq synda taǵy bir qazaqstandyq Anna Danılına brazılııalyq Beatrıs Haddad Maııamen birge birinshi matchynda kanadalyq Leıla Fernandes – chehııalyq K.Sınıakovaǵa 7:6 (7:4), 6:7 (4:7), 7:10 esebimen ese jiberdi. Al E.Rybakına reseılik Lıýdmıla Samsonovamen birge chehııalyq Marııa Boýzkova – slovenııalyq Tamara Zıdanshekten 6:3, 4:6, 6:10 esebimen utylyp qaldy.
Eske sala keteıik, budan buryn tennısten jasóspirimder quramasynyń tuńǵysh ret álem chempıonatyna joldama alǵanyn, Jibek Qulambaevanyń Shymkent týrnıriniń jeńimpazy atanǵanyn jazǵan bolatynbyz.
