Tennısshi Tımofeı Skatov Perýdegi jarysty sátti bastady
ASTANA. QazAqparat – Qazaqstannyń ekinshi, álemniń 146-raketkasy Tımofeı Skatov Perýdiń Lıma qalasynda ótip jatqan chellendjer týrnırin sátti bastady, dep habarlaıdy QazAqparat tilshisi.
Jarystyń 8-raketkasy bolyp tirkelgen qazaqstandyq tennısshi bastapqy kezdesýin reıtıngide 639-orynda turǵan perýlik Gonzalo Býenomen ótkizdi.
T.Skatov qarsylasyn 6:4, 6:1 esebimen utty.
Bir saǵat 20 mınýtqa sozylǵan báseke barysynda Tımofeı 6 breık-poınttyń beseýin múlt jibergen joq.
Tımofeı Skatov júlde qory 50 myń AQSh dollarynan asatyn dodanyń shırek fınalyna shyǵý úshin álemniń 162-raketkasy, argentınalyq Santıago Rodrıges Tavernamen talasady.
Eske salaıyq, budan buryn Qazaqstannyń úzdik tennısshisi Shveıtsarııa týrnırin sátti bastaǵanyn jazǵan bolatynbyz.
Sondaı-aq qazaqstandyq tennısshi Frantsııadaǵy týrnırdiń ekinshi aınalymyna shyqty.
Foto: sports.kz
