Tennısshi Tımofeı Skatov Lıssabon týrnıriniń jartylaı fınalyna shyqty
ASTANA. QazAqparat - Qazaqstandyq, álemniń 233-raketkasy Tımofeı Skatov Lıssabon týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq tennısshi shırek fınalda álemniń 165-raketkasy, frantsııalyq Benýa Permen kezdesti.
B.Per kezinde ATP jarystarynda tórt ret chempıon atanyp, reıtıngte 65-orynǵa deıin kóterilgen bolatyn.
Soǵan qaramastan, T.Skatov ataqty qarsylasyn 6:4, 2:6, 7:5 esebimen tize búktirdi.
Eki saǵat jarymnan astam ýaqytqa sozylǵan matchta T.Skatov 1 eıs jasap, 7 breık-poınttyń úsheýin paıdalana bildi. Qarsylasy 15 eıs, 3 breıkpen (15 breık-poınt) kózge tústi.
Tımofeı Skatov fınalǵa shyǵý úshin álemniń 137-raketkasy, ıtalııalyq Marko Chekkınatomen talasady. Ol álemniń 129-raketkasy, ıspanııalyq Karlos Tabernerdi joldan taıdyrdy - 7:6 (7:2), 6:4.
Eske sala keteıik, budan buryn qazaqstandyq tennısshiniń Argentınadaǵy jarystyń shırek fınalyna shyqqanyn jazǵan bolatynbyz.
Sondaı-aq Beıbit Jýkaev eki márte el chempıony atandy.
Foto: sports.kz
