Tennısshi Tımofeı Skatov Italııadaǵy týrnırdiń jartylaı fınalyna ótti
ASTANA. QazAqparat – Qazaqstandyq, álemniń 209-raketkasy Tımofeı Skatov Parma 2 (Italııa) chellendjer týrnıriniń jartylaı fınalyna ótti, dep habarlaıdy QazAqparat tilshisi.
Tımofeı Skatov shırek fınalda dúnıejúzilik reıtıngide 281-orynda turǵan majarstandyq Mate Valkýshpen kúsh synasty.
Birinshi partııada majarstandyq tennısshi 6:1 esebimen aıqyn basymdylyq kórsetti. Ol ekinshi sette de 4:0 esebimen alǵa ketti. Degenmen, budan keıin Tımofeı sheberligin tanyta bildi – 7:5.
Úshinshi, sheshýshi partııada qazaqstandyq sportshy 4:0 esebimen alǵa shyqqan kezde qarsylasy matchty jalǵastyrýdan bas tartty.
Eki saǵatqa sozylǵan báseke barysynda T. Skatov eıs jasamasa da, 9 breık-poınttyń beseýin paıdalandy.
Tımofeı Skatov fınalǵa shyǵý úshin álemdik reıtıngide 184-satydaǵy ıtalııalyq Djanlýka Magermen talasady. Ol shırek fınalda álemniń 85-shi, jarystyń 2-raketkasy, serbııalyq Dýshan Laıovıchti qapy qaldyrdy – 7:6 (7:3), 6:3.
Eske sala keteıik, budan buryn Astana týrnırinde shırek fınalǵa shyqqan oıynshylar anyqtalǵanyn jazǵan bolatynbyz.
Sondaı-aq, tennısshi Tımofeı Skatov Italııadaǵy jarystyń shırek fınalyna shyqty.
Foto: olympic.kz
