Tennısshi Tımofeı Skatov Italııadaǵy týrnırdiń fınalyna shyqty
ASTANA. QazAqparat - Qazaqstandyq, álemniń 209-raketkasy Tımofeı Skatov Parma 2 (Italııa) chellendjer týrnıriniń fınalyna shyqty, dep habarlaıdy QazAqparat tilshisi.
Qazaqstandyq tennısshi jartylaı fınalda álemniń 184-raketkasy, ıtalııalyq Djanlýka Magermen sheberlik baıqasty.
Birinshi partııada Tımofeı taı-breıkte basymdylyq tanytty - 7:6 (7:5).
Ekinshi sette qarqynyn tipti údetti - 6:2.
Bir saǵat 37 mınýtqa sozylǵan kezdesýde T.Skatov 3 eıs jasap, 3 breık-poıntty túgel paıdalandy.
Tımofeı Skatov fınalda chehııalyq Vıt Koprıva nemese slovakııalyq Iozef Kovalıkpen bas júldeni sarapqa salady.
Eske sala keteıik, budan buryn tennısshi Tımofeı Skatovtyń Italııadaǵy týrnırdiń jartylaı fınalyna shyqqanyn jazǵan bolatynbyz.
Sondaı-aq Elena Rybakına Chehııadaǵy iri jarystyń jartylaı fınalyna shyqty.
Astana týrnırinde jartylaı fınalda Novak Djokovıch pen Danııl Medvedev kezdesedi.
