Tennısshi Pýtıntseva Vashıngtondaǵy týrnırdiń shırek fınalyna ótti
ASTANA. QazAqparat - AQSh astanasynda júlde qory 250 000 AQSh dollaryn quraıtyn áıelder arasyndaǵy Citi Open týrnıri jalǵasýda, dep habarlaıdy Sports.kz.
Qazaqstandyq ıÝlııa Pýtıntseva ekinshi aınalymda AQSh atynan shyqqan 17 jastaǵy tennısshi Ýsýe Meınteın Arkonadamen tartysty kezdesý ótkizdi.
Birinshi sette 6:4 esebimen utqan jáne ekinshi partııada da 4:2 esebimen alda turǵan Pýtıntseva qatarynan 4 geım utyldy. Sheshýshi sette Arkonada breıkpen esepti 3:2 jetkizdi. Biraq basymdyqty ustap tura almaı, esep 3:3 bolyp teńesti. Toǵyzynshy geımde (bul kezde esep 4:4 bolatyn) ıÝlııanyń qarsylasy jeńiske bir taban jaqyn boldy. Biraq, ıÝlııa úsh dopty qatarynan utyp, toıtarys berdi. Kelesi geımde qarsylasyna múmkindik bermegen Pýtıntsevanyń joly boldy. Match qorytyndysy 6:4, 4:6, 6:4 esebimen Pýtıntsevanyń paıdasyna sheshildi. Kezdesý 2 saǵat 20 mınýtqa sozyldy. Rısa Odzakı (Japonııa) - Naomı Broýdı (Ulybrıtanııa) kezdesýiniń jeńimpazy Pýtıntsevanyń kelesi qarsylasy bolmaq.
