Tennısshi Mıhaıl Kýkýshkın Ýımbldon týrnıriniń irikteý saıysyn sátti bastady
NUR-SULTAN. QazAqparat – Qazaqstandyq Mıhaıl Kýkýshkın Ýımbldon týrnıriniń irikteý saıysyn sátti bastady, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, álemniń 160-raketkasy M. Kýkýshkın irikteý dodasynyń alǵashqy aınalymynda dúnıejúzilik reıtıngte 173-orynda turǵan ıtalııalyq Lorentso Djýstınomen sheberlik baıqasty.
Osyǵan deıin qarsylastar bir ret kezdesip, onda Mıhaıl basym túsken edi.
Bul joly nebári 52 mınýtqa sozylǵan matchta qazaqstandyq tennısshi 6:2, 6:1 esebimen jeńiske jetti. Ol báseke barysynda tórt breık jasaı bildi.
Іrikteý saıystarynyń fınalyna shyǵý úshin M. Kýkýshkın álemniń 230-raketkasy, germanııalyq Fılıpp Kolshraıbermen talasady.
Ýımbldon – jyl saıyn ótetin «Úlken dýlyǵa» jarysynyń úshinshisi.
Eske sala keteıik, budan buryn qazaqstandyq tennısshilerdiń iri jarystarda baq synaıtynyn jazǵan bolatynbyz.
Sondaı-aq, qazaqstandyq tennısshiderdiń álemdik reıtıngidegi oryndary anyqtalǵan edi.
