Tennısshi Mıhaıl Kýkýshkın Slovakııadaǵy «Chellendjer» týrnırinde jeńiske jetti
ASTANA. 16 maýsym. QazAqparat - Qazaqstandyq tennısshi Mıhaıl Kýkýshkın Slovakııadaǵy «Chellendjer» serııasy týrnırinde jeńimpaz atandy, dep habarlady Vesti.kz.
Sheshýshi matchta Kýkýshkın Bosnııa men Gertsegovına ókili Damır Djýmhýrmen kezdesti. Eger tartyspen ótken birinshi sette qazaqstandyq 6:4 esebimen basym tússe, kelesi partııada Djýmhýr 6:1 esebimen ese qaıtardy. Degenmen Kýkýshkınniń saǵy synǵan joq, sheshýshi sette 6:2 esebimen alǵa shyqty.
Match bir saǵat 49 mınýtqa sozyldy. Bul jeńisinde Kýkýshkın 4300 eýro tapty jáne ATR reıtingisinde 80 upaı jınady, bul oǵan tizimde joǵary kóterilýge múmkindik bermek.. Ol qazir 324-shi orynda keledi.
