Tennısshi Erasyl Erdildá Qyrǵyzstandaǵy jarystyń absolıýtti chempıony atandy
NUR-SULTAN. QazAqparat - Qazaqstandyq Erasyl Erdildá Sholpan-Ata qalasynda (Qyrǵyzstan) 18 jasqa deıingiler arasynda ótken úshinshi sanattaǵy ITF týrnıriniń absolıýtti chempıony atandy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Team Kazakhstan akademııasynyń túlegi Erasyl áýeli juptyq synda qazaqstandyq Vıtalıı Zatsepınmen birge úzdik shyqty.
Qazaqstandyq jup fınalda reseılikter Makar Elesın - Danııl Stepanovty utty - 6:3, 6:3.
Sodan keıin Erasyl jekeleı synda D.Stepanovty aıqyn basymdyqpen jeńdi - 6:1, 6:2.
Osylaısha, Qyzylorda qalasynda týyp-ósken E.Erdildá ITF dodalaryndaǵy besinshi tıtýlyna qol jetkizdi.
Sondaı-aq Frantsııanyń Dıjon qalasynda tórtinshi sanattaǵy ITF Juniors jarysynda Zara Dárken juptyq synda jeńimpaz atandy. Ol ýkraınalyq Anastasııa Fırmanmen birge sońǵy básekede ýkraınalyqtar Serafıma Bobrovnıkova - Stefanııa Pýshkardy tize búktirdi - 7:5, 6:3.
Erevan qalasynda 12 jasqa deıingiler arasynda ekinshi sanattaǵy Tennis Europe týrnırinde Asqar Ámir óziniń halyqaralyq jarystaǵy alǵashqy trofeıine ıe boldy. Ol fınalda reseılik Pavel ıAromskıımen birge reseılikter Fılıpp Smırnov - Arkadıı Vahlınnen basym tústi - 6:2, 6:7 (2:7), 10:7.
Eske sala keteıik, budan buryn Anna Danılınanyń AQSh ashyq chempıonatynyń shırek fınalyna shyǵa almaǵanyn jazǵan bolatynbyz.
