Tennısshi Elena Rybakına US Open týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 20-raketkasy Elena Rybakına US Open týrnırin jeńispen bastady, dep habarlaıdy QazAqparat tilshisi.
Osy «Úlken dýlyǵa» jarysynyń 19-raketkasy bolyp tirkelgen qazaqstandyq tennısshi bastapqy kezdesýin reıtıngte 90-satydaǵy Belarýs ókili Aleksandra Sasnovıchpen ótkizdi.
Birinshi partııada qos breık jasaǵan E.Rybakına qarsylasyna des bergen joq – 6:2.
Ekinshi sette esep 4:3 bolǵan mezette qazaqstandyq tennısshi breık jasaı bildi. Sosyn matchqa dop bergende, múmkindigin jibergen joq – 6:3.
Rybakına 1 saǵat 15 mınýtqa sozylǵan báseke barysynda 10 eıs jasap, 10 breık-poınttyń úsheýin paıdalandy. Breık jasaı almaǵan qarsylasy 1 eıspen shekteldi.
E.Rybakına ekinshi aınalymda álemniń 62-raketkasy, frantsııalyq Karolın Garsııa nemese reıtıngte 151-orynda turǵan ulybrıtanııalyq Herrıet Darttyń bireýimen sheberlik baıqasady.
Eske sala keteıik, budan buryn Nıý-Iorkta US Open týrnıri bastalatynyn, ıÝlııa Pýtıntsevanyń jeńilip qalǵanyn jazǵan bolatynbyz.
