Tennısshi Elena Rybakına Ýhan týrnıriniń shırek fınalyna shyqty
NUR-SULTAN. QazAqparat – Qazaqstandyq Elena Rybakına Ýhan týrnıriniń shırek fınalyna shyqty, dep habarlaıdy QazAqparat tilshisi.
Dúnıejúzilik reıtıngte 50-orynda turǵan E.Rybakına úshinshi aınalymda osy týrnırdiń tórtinshi, álemniń burynǵy birinshi, qazirgi 6-raketkasy, rýmynııalyq Sımona Haleppen kezdesti.
Esep birinshi partııada qazaqstandyq tennısshiniń paıdasynda 5:4 bolǵannan keıin S.Halep matchty jalǵastyrýdan bas tartty.
Báseke 45 mınýtqa sozyldy.
E.Rybakına Ýhan týrnıriniń (júlde qory – 2,828 mln AQSh dollary) jartylaı fınalyna shyǵý úshin osy jarystyń ótken jylǵy jeńimpazy, reıtıngte 14-orynda turǵan Belarýs eliniń ókili Arına Sobolenko nemese álemniń 8-raketkasy, gollandııalyq Kıkı Bertenstiń bireýimen talasady.
Eske sala keteıik, budan buryn E.Rybakına Ýhan týrnıriniń úshinshi aınalymyna shyqqan bolatyn.
