Tennısshi Elena Rybakına Strasbýrg týrnıriniń fınalyna shyqty
NUR-SULTAN. QazAqparat - Qazaqstannyń birinshi, álemniń 18-raketkasy Elena Rybakına Strasbýrg týrnıriniń fınalyna shyqty, dep habarlaıdy QazAqparat tilshisi.
Osy jarystyń 5-raketkasy bolyp tirkelgen qazaqstandyq tennısshi jartylaı fınalda reıtıngte 84-orynda turǵan japonııalyq Nao Hıbınomen kezdesti.
E.Rybakına 6:3, 6:4 esebimen eki sette jeńiske jetti.
Báseke 1 saǵat 15 mınýtqa sozyldy.
Qazaqstandyq tennısshi fınalda álemniń 5-raketkasy, ýkraınalyq Elına Svıtolına nemese reıtıngte 12-satydaǵy Belarýs ókili Arına Sobolenkonyń bireýimen bas júldeni sarapqa salady.
Eske sala keteıik, budan buryn «Rolan Garros» týrnırinde qazaqstandyq tennısshilerdiń qarsylastary anyqtalǵanyn jazǵan bolatynbyz.
