Tennısshi Elena Rybakına Shtýtgart týrnırin sátti bastady
E.Rybakına alǵashqy aınalymda dúnıejúzilik reıtıngide 224-orynda turǵan, jarysqa arnaıy shaqyrtý alǵan germanııalyq Nastasıa-Marıana Shýnkpen sheberlik baıqasty.
Qarsylastar buǵan deıin kezdespegen edi.
Ótken aptada elordada Qazaqstan – Germanııa matchynda Laýra Zıgemýnd pen Anjelıka Kerberdi utqan E.Rybakınaǵa bul joly da olardyń otandasy tap keldi.
Birinshi partııada 19 jastaǵy nemis sportshysy 4:2 esebimen alǵa shyqqanymen, qazaqstandyq tennısshi tarazy basyn teńestirdi. Taı-breıkte E.Rybakına basymdyq tanytty – 7:6 (7:3).
Ekinshi setti Elena breıkpen bastady – 2:0. Alaıda matchqa dop bergende, Shýnk breık jasap ketti – 5:5. Degenmen Rybakına sol boıda qaıtadan breıkke qol jetkizdi – 6:5. Sodan keıin múmkindigin múlt jibergen joq – 7:5.
Eki saǵattan astam ýaqytqa sozylǵan tartysty básekede qazaqstandyq tennısshi 3 eıspen birge 9 breık-poınttyń úsheýin paıdalandy. Qarsylasy 3 eıs, 2 breıkpen (9 breık-poınt) kózge tústi.
E.Rybakına júlde qory 703 580 AQSh dollaryna baǵalanǵan dodanyń shırek fınalyna shyǵý úshin álemniń 3-raketkasy, ıspanııalyq Paýla Badosamen talasady.
Shtýtgart jarysynyń ótken jylǵy jeńimpazy, aýstralııalyq Eshlı Bartı bıyl sporttyq mansabyn aıaqtaǵandyqtan, týrnırde jańa chempıon anyqtalmaq.
Taǵy bir qazaqstandyq, álemniń 51-raketkasy ıÝlııa Pýtıntseva Ystanbul WTA 250 týrnırinde baq synaıdy. Ol bastapqy kezdesýin reıtıngte ózinen alty saty tómen turǵan Polsha ókili Magda Lınetpen ótkizedi.
Eske sala keteıik, budan buryn Qazaqstan jasóspirimder quramasynyń ÁCh irikteý týrnıriniń shırek fınalyna shyqqanyn jazǵan bolatynbyz.
