Tennısshi Elena Rybakına Rım týrnıriniń úshinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 18-raketkasy Elena Rybakına Rım WTA týrnıriniń úshinshi aınalymyna shyqty, dep habarlaıdy QazAqparat tilshisi.
Osy dodanyń 10-raketkasy bolyp tirkelgen, bıyl 21-ge tolǵan qazaqstandyq tennısshi ekinshi aınalymda dúnıejúzilik reıtıngte 47-orynda turǵan, ózinen bir jasqa ǵana úlken chehııalyq Marııa Boýzkovamen kezdesti.
Birinshi partııa barynsha tartysty órbigenimen, E.Rybakına taraza basyn aýdara bildi – 7:5.
Qazaqstandyq sportshy ekinshi setti breıkpen bastaǵanymen, qarsylasy da qarap qalmady – 1:1. Budan keıin Elena taǵy bir breık jasaı aldy – 4:2. Tek esep 5:4, sosyn 6:5 bolyp, matchqa dop bergende, sol múmkindikterin paıdalana almady. Degenmen taı-breıkti sátti bastap, 3:0 esebimen alǵa ketip, sosyn 6:1-ge jetkizdi. Aqyry matchty jeńispen túıindedi – 7:6 (7:3).
Tartysty báseke 2 saǵat 20 mınýtqa sozyldy.
E.Rybakına shırek fınalǵa shyǵý úshin álemniń 16-ynshy, Rım jarysynyń 8-raketkasy, horvatııalyq Petra Martıch nemese otandasy, reıtıngte 30-satydaǵy ıÝlııa Pýtıntsevanyń bireýimen talasady.
Eske sala keteıik, budan buryn ıÝlııa Pýtıntsevanyń Rım týrnıriniń ekinshi aınalymyna shyqqanyn jazǵan bolatynbyz.
