Tennısshi Elena Rybakına Nanchan týrnıriniń jartylaı fınalyna shyqty
NUR-SULTAN. QazAqparat – Qazaqstandyq tennısshi Elena Rybakına Qytaıdaǵy Nanchan WTA týrnıriniń jartylaı fınalyna shyqty, dep habarlaıdy QazAqparat tilshisi.
Álemniń 69-raketkasy E.Rybakına shırek fınalda dúnıejúzilik reıtıngte 76-orynda turǵan shveıtsarııalyq Vıktorııa Golýbıchpen sheberlik baıqasty.
V.Golýbıch bıyl «Úlken dýlyǵa» týrnıriniń biri – Ýımbldon jarysynyń alǵashqy aınalymynda Qazaqstannyń birinshi raketkasy ıÝlııa Pýtıntsevanyń jolyn kesip ketken bolatyn.
E.Rybakına 20-da bolsa, qarsylasy 1992 jylǵy, tájirıbesi moldaý edi.
Birinshi partııada qazaqstandyq tennısshi óz sheberligin kórsete bildi – 6:4.
Ekinshi sette shveıtsarııalyq sportshy 2:1 esebimen alǵa shyqqanymen, Rybakına qaıyra breık jasap, tarazy basyn teńestirdi. Budan keıin qarsylastar breıkpen almasty – 3:3. Golýbıch breıkpen taǵy alǵa ketti – 4:3. Aqyry ol setti taǵy bir breıkpen túıindedi – 6:3.
Úshinshi, sheshýshi partııada tennısshiler birden qos breıkpen almasqannan keıin Golýbıch óz geımin alyp, alǵa shyqty – 3:2. Taǵy bir breık – 4:2. Rybakına breık jasaǵanymen, ózi dop bergende, múmkindigin paıdalana almady – 3:5. Degenmen qarsylasy matchqa dop bergende, taǵy bir breık jasady – 4:5. Sosyn áıteýir óz geımin alyp, breıkpen alǵa shyqty – 6:5. Aqyry matchqa dop bergende, eki márte tor da kómektesip, sáttilik joldas boldy – 7:5.
Tartysty báseke 2 saǵat 23 mınýtqa sozyldy.
E.Rybakına jartylaı fınalda reıtıngte 132-oryndaǵy qytaılyq Pen Shýaımen kezdesedi.
Eske sala keteıik, budan buryn E.Rybakınanyń Nanchan týrnıriniń shırek fınalyna shyqqanyn, al ıÝ.Pýtıntsevanyń álemniń 3-raketkasy E.Svıtolınadan utylyp qalǵanyn jazǵan bolatynbyz.
