Tennısshi Elena Rybakına Lınts týrnırin sátti bastady
NUR-SULTAN. QazAqparat – Qazaqstandyq Elena Rybakına Aýstrııadaǵy Lınts WTA týrnırin sátti bastady, dep habarlaıdy QazAqparat tilshisi.
Álemniń 43-raketkasy E.Rybakına alǵashqy aınalymda dúnıejúzilik reıtıngte 98-orynda turǵan serbııalyq Nına Stoıanovıchpen kezdesti.
Qazaqstandyq tennısshi qarsylasyn 7:6 (7:5), 6:2 esebimen utty.
Báseke 1 saǵat 19 mınýtqa sozyldy.
E.Rybakına ekinshi aınalymda osy jarystyń ekinshi, álemniń 10-raketkasy, shveıtsarııalyq Belında Benchıch nemese reıtıngte 166-oryndaǵy germanııalyq Anna-Lena Frıdzamnyń bireýimen sheberlik baıqasady.
Júlde qory 250 myń AQSh dollaryna baǵalanǵan Lınts dodasy 13 qazanda márege jetedi.
Eske sala keteıik, budan buryn Aleksandr Býblıktiń Shanhaı týrnırinde utylyp qalǵanyn jazǵan bolatynbyz.
