Tennısshi Elena Rybakına Qytaıdaǵy týrnırde utylyp qaldy
E.Rybakına alǵashqy aınalymda osy týrnırdiń besinshi, álemniń 38-raketkasy, chehııalyq Katerına Sınıakovamen kúsh synasty.
Ótken aptada Qytaıdaǵy Nanchan jarysynyń fınalyna deıin jetken qazaqstandyq tennısshi keshe dúnıejúzilik reıtıngte 69-dan 49-orynǵa kóterilip, óz sporttyq jolynda alǵash ret úzdik elý tennısshiniń qataryna qosylǵan edi.
Bul joly birinshi partııada chehııalyq sportshy aıqyn basymdyq kórsetti – 6:1.
Ekinshi setti E.Rybakına breıkpen bastaǵanymen, óz geımin berip qoıdy – 1:1. Esep qarsylasynyń paıdasynda 3:1 bolǵannan keıin E.Rybakına básekeni jalǵastyrýdan bas tartty.
K.Sınıakova júlde qory 500 myń AQSh dollary bolatyn dodanyń ekinshi aınalymynda álemniń 73-raketkasy, shveıtsarııalyq Vıktorııa Golýbıchpen sheberlik baıqasady. V.Golýbıchti Nanchan týrnıriniń shırek fınalynda E.Rybakına jeńgen bolatyn.
Eske sala keteıik, budan buryn Zarına Dııastyń Osaka jarysyn jeńispen bastaǵanyn, ıÝlııa Pýtıntsevanyń ekinshi aınalymǵa shyqqanyn, Mıhaıl Kýkýshkınniń Sankt-Peterborda sátti óner kórsetkenin jazǵan bolatynbyz.