Tennısshi Elena Rybakına Hobart týrnıriniń shırek fınalyna shyqty
NUR-SULTAN. QazAqparat - Qazaqstannyń birinshi, álemniń 30-raketkasy Elena Rybakına Hobart (Aýstralııa) týrnıriniń shırek fınalyna shyqty, dep habarlaıdy QazAqparat tilshisi.
Osy jarystyń 3-raketkasy bolyp tirkelgen 20 jastaǵy qazaqstandyq tennısshi ekinshi aınalymda reıtıngte 60-satyda turǵan frantsııalyq Alıze Kornemen kezdesti.
A.Korne E.Rybakınadan on jastaı úlkendigi bar tájirıbeli sportshy edi.
Birinshi partııada esep 5:5 bolǵan mezette qazaqstandyq tennısshi breık jasaı bildi. Sosyn setke dop bergende, múmkindigin múlt jibergen joq - 7:5.
Ekinshi sette de ol 3:1 esebimen alǵa shyqty. Aqyry matchty taǵy bir breıkpen túıindedi - 6:3.
Báseke 1 saǵat 35 mınýtqa sozyldy.
E.Rybakına jartylaı fınalǵa shyǵý úshin reıtıngte 129-orynda turǵan aýstralııalyq Lızett Kabreramen talasady.
Eske sala keteıik, budan buryn E.Rybakınanyń Hobart týrnırin jeńispen bastaǵanyn jazǵan bolatynbyz.
