Tennısshi Elena Rybakına Dýbaı týrnıriniń shırek fınalyna shyqty
NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Dýbaı týrnıriniń shırek fınalyna shyqty, dep habarlaıdy QazAqparat tilshisi.
Rybakına ekinshi aınalymda dúnıejúzilik reıtıngte 58-orynda turǵan chehııalyq Katerına Sınıakovamen sheberlik baıqasty.
Qazaqstandyq sportshy birinshi partııany óz esebine jazdy – 6:3.
Ekinshi sette de breık jasap, 3:1 esebimen alǵa shyqty. Aqyry matchty taǵy bir breıkpen túıindedi – 6:3.
Báseke 1 saǵat 11 mınýtqa sozyldy.
E.Rybakına júlde qory 3 mln AQSh dollaryna jýyqtaıtyn iri dodanyń jartylaı fınalyna shyǵý úshin álemniń úshinshi, osy týrnırdiń 2-raketkasy, chehııalyq Karolına Plıshkovamen talasady.
Eske sala keteıik, budan buryn E.Rybakınanyń Dýbaıda Aýstralııa chempıonyn utqanyn, al Mıhaıl Kýkýshkınniń Marsel jarysynyń alǵashqy aınalymynan asa almaǵanyn jazǵan bolatynbyz.
