Tennısshi Elena Rybakına Dýbaı týrnıriniń fınalyna shyqty
NUR-SULTAN. QazAqparat - Qazaqstannyń birinshi, álemniń 19-raketkasy Elena Rybakına Dýbaı WTA premer týrnıriniń fınalyna shyqty, dep habarlaıdy QazAqparat tilshisi.
E.Rybakına jartylaı fınalda álemniń 15-raketkasy, horvatııalyq Petra Martıchpen kezdesti.
Birinshi partııa barysynda horvatııalyq sportshy 4:2 esebimen alǵa ketti. Degenmen Elena tarazy basyn teńestirip qana qoımaı, taı-breıkte jeńisti julyp aldy - 7:6 (7:5).
Ekinshi set te dál osylaı órbip, Martıch alǵa ketti - 3:0. Qazaqstandyq tennısshi taǵy da esepti teńestirip, taı-breıkte match núktesin qoıdy - 7:6 (7:2).
Tartysty báseke 2 saǵat 13 mınýtqa sozyldy.
E.Rybakına júlde qory 3 mln AQSh dollaryna jýyqtaıtyn jarystyń fınalynda álemniń 2-raketkasy, rýmynııalyq Sımona Halep nemese reıtıngte 52-orynda turǵan amerıkalyq Djennıfer Bredıdiń bireýimen bas júldeni sarapqa salady.
Qazaqstandyq tennısshi bıyl osymen tórtinshi ret WTA dodasynyń fınalyna shyǵyp otyr. Ol sonyń bireýinde jeńiske jetti. Endi Dýbaıda utylǵannyń ózinde reıtıngte 17-orynǵa kóteriledi.
Eske sala keteıik, budan buryn E.Rybakınanyń Dýbaı týrnıriniń jartylaı fınalyna shyqqanyn jazǵan bolatynbyz.
