Tennısshi Elena Rybakına Chehııadaǵy týrnırde utylyp qaldy
NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Ostrava (Chehııa) WTA týrnıriniń ekinshi aınalymyna shyǵa almady, dep habarlaıdy QazAqparat tilshisi.
Osy dodanyń 6-raketkasy bolyp tirkelgen E.Rybakına alǵashqy aınalymda dúnıejúzilik reıtıngte 75-orynda turǵan reseılik Darıa Kasatkınamen kezdesti.
Birinshi partııada qazaqstandyq tennısshi breık jasap, 2:0 esebimen alǵa shyqqanymen, qarsylasy budan keıin qatarynan alty geımdi aldy – 6:2.
Esesine ekinshi sette D.Kasatkına breıkpen bastaǵanymen, E.Rybakına sodan soń tórt geımdi óz paıdasyna jazdy – 4:1. Aqyry ony sátti aıaqtaı bildi – 6:3.
Úshinshi, sheshýshi partııada reseılik sportshy breıkpen alǵa ketti – 3:1. Sol basymdylyǵynan aıyryla qoıǵan joq – 6:3.
Tartysty báseke 1 saǵat 52 mınýtqa sozyldy.
D.Kasatkına júlde qory 528,5 myń AQSh dollaryna baǵalanǵan týrnırdiń shırek fınalyna shyǵý úshin álemniń 26-raketkasy, bıylǵy US Open týrnıriniń jartylaı fınalısi, amerıkalyq Djennıfer Breıdı nemese reıtıngte 29-satydaǵy Ýkraınanyń 20 jastaǵy juldyzy Daıana ıAstremskaıanyń bireýimen talasady.
Eske sala keteıik, budan buryn Aleksandr Býblıktiń úzdik elý tennısshiniń qataryna qaıta kirgenin jazǵan bolatynbyz.
