Tennısshi Elena Rybakına Býharest týrnırin jeńispen bastady
NUR-SULTAN. QazAqparat – Qazaqstandyq Elena Rybakına Býharest WTA týrnırin jeńispen bastady, dep habarlaıdy QazAqparat tilshisi.
Dúnıejúzilik reıtıngte 106-orynda turǵan E.Rybakına alǵashqy aınalymda álemniń 116-raketkasy, ıspanııalyq Paýla Badosa Hıbertpen kezdesti.
Tartysty ótken matchta qazaqstandyq tennısshi 7:5, 7:6 (7:4) esebimen jeńiske jetti.
E.Rybakıına ekinshi aınalymda rýmynııalyqtar, osy týrnırdiń besinshi, álemniń 81-raketkasy Sorana Kyrstıa nemese reıtıngte 210-satydaǵy Jaklın Adına Krıstıannyń bireýimen kezdesedi.
Júlde qory 226 750 AQSh dollaryna baǵalanǵan Býharest týrnıri 21 shildede márege jetedi.
Eske sala keteıik, budan buryn M.Kýkýshkın álemdik reıtıngte 45-orynǵa kóterilgen bolatyn.
