Tennısshi Elena Rybakına Bastad týrnırin jeńispen bastady
NUR-SULTAN. QazAqparat - Qazaqstandyq Elena Rybakına Bastad (Shvetsııa) chellendjer týrnırin jeńispen bastady, dep habarlaıdy QazAqparat tilshisi.
Osy jarystyń jetinshi, álemniń 109-raketkasy, 20 jasar E.Rybakına alǵashqy aınalymda dúnıejúzilik reıtıngte 368-orynda turǵan danııalyq Klara Taýsonmen kezdesti. Birinshi partııada esep 4:4 bolǵan mezette qazaqstandyq tennısshi breık jasaı aldy. Sodan keıin setke dop bergende, esesin jibergen joq - 6:4. Ekinshi sette qatarynan qos breık jasaǵan Rybakına 4:0 esebimen alǵa shyqty. Biraq Taýson da qalyspaı, tarazy basyn teńestirip qana qoımaı, basyp ozdy - 5:4. Másele aqyry taı-breıkte qazaqstandyq tennısshiniń paıdasyna sheshildi - 7:6 (7:5).
Báseke 1 saǵat 28 mınýtqa sozyldy.
E.Rybakına shırek fınalǵa shyǵý úshin reıtıngte 117-oryndaǵy japonııalyq Mısakı Doımen talasady. Topyraq tósenishinde ótip jatqan jarys 14 shilde kúni márege jetedi.
Eske sala keteıik, budan buryn M.Kýkýshkın Ýımbldon týrnıriniń shırek fınalyna shyǵa almaǵan bolatyn.
