Tennısshi Elena Rybakına álemdik reıtıngte 36-orynǵa kóterildi
NUR-SULTAN.QazAqparat – Qazaqstandyq Elena Rybakına búgin jańartylǵan álemdik reıtıngte 36-orynǵakóterildi, dep habarlaıdy QazAqparat tilshisi.
Bul osyǵan deıin 37-satyda turǵan 20 jasar tennısshiniń úzdik kórsetkishi sanalady.
Qazaqstannyń birinshi raketkasy ıÝlııa Pýtıntseva burynǵy 34-inshi, al Zarına Dııas 78-ornynda qaldy.
Dúnıejúzilik reıtıng kóshin burynǵysha aýstralııalyq Eshlı Bartı bastap keledi. Chehııalyq Karolına Plıshkova - ekinshi, japonııalyq Naomı Osaka - úshinshi orynda.
Erler arasyndaǵy reıtıngte ıspanııalyq Rafael Nadal, serbııalyq Novak Djokovıch jáne shveıtsarııalyq Rodjer Federer úzdik úshtikte tur.
Qazaqstannyń birinshi raketkasy Aleksandr Býblık 48-den 58-satyǵa syrǵyp ketti. Mıhaıl Kýkýshkın 67-orynda qalsa, Dmıtrıı Popko 189-dan 186-ǵa joǵarylady.
Qazirgi kezde tennısshilerdiń deni maýsymdy aıaqtap, demalýda, sosyn aldaǵy jylǵa daıyndalady.
Qazaqstan erler quramasy aldaǵy aptada asa jaýapty jarys – Ispanııada ótetin Devıs kýbogy fınalynda synǵa túsedi.
Eske sala keteıik, budan buryn Qazaqstan quramasynyń Devıs kýbogy fınalyna qatysatynyn jazǵan bolatynbyz.
