Tennısshi Elena Rybakına álemdik reıtıngide 18-orynǵa kóterildi
NUR-SULTAN. QazAqparat – Kásipqoı tennısshiler qaýymdastyǵy (ATP) men Áıelder tennısi qaýymdastyǵy (WTA) álemdegi úzdik tennısshilerdiń jańartylǵan reıtıngisin jarııa etti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elimizdiń birinshi raketkasy Elena Rybakına dúnıejúzilik reıtıngide 19-dan 18-orynǵa kóterildi.
ıÝlııa Pýtıntseva birden jeti saty joǵarylap, 44-orynǵa jaıǵasty. Zarına Dııas 116-satyda keledi.
Juptyq synda Anna Danılına 21-satyda bolsa, Shymkenttegi ITF W15 jarysynda jeńiske jetken Jibek Qulambaeva 300-orynǵa shyqty. Gózal Aınıtdınova 423-orynda.
Qazaqstannyń erler arasyndaǵy birinshi raketkasy Aleksandr Býblık te kórsetkishin jaqsartyp, 33-ten 32-ge joǵarylady.
Mıhaıl Kýkýshkın 167-den 164-ke, Dmıtrıı Popko 171-den 169-ǵa kóterildi. Tımofeı Skatov 194-inshi, Denıs Evseev 345-inshi, Beıbit Jýkaev 510-orynda tur.
Juptyq synda Andreı Golýbev 26-ynshy, Aleksandr Nedovesov 60-ynshy, Grıgorıı Lomakın 243-satyda keledi.
Eske sala keteıik, budan buryn tennısten Qazaqstan jasóspirimder quramasynyń qarsylastary anyqtalǵanyn jazǵan bolatynbyz.
