Tennısshi Elena Rybakına Ábý-Dabı týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Ábý-Dabı WTA 500 týrnırin sátti bastady, dep habarlaıdy QazAqparat tilshisi.
Jyldyń betashar jarysynyń 6-raketkasy bolyp tirkelgen E.Rybakına alǵashqy aınalymda reıtıngte 394-orynda turǵan ıtalııalyq Lýkretsııa Stefanınımen sheberlik baıqasty.
Qazaqstandyq tennısshi 21-de bolsa, odan bir jasqa úlkendigi bar L.Stefanını negizgi dodaǵa irikteý saıysynyń jeńimpazy retinde qosylǵan edi.
Birinshi partııada qazaqstandyq sportshy 5:0 esebimen alǵa ketti. Qarsylasy bir geım alǵanymen, Elena setti qınalmaı bitirdi – 6:1.
Ekinshi sette esep 1:1 bolǵan mezette E.Rybakına breık jasaı aldy. Degenmen qarsylasy qarap qalmaı, tarazy basyn teńestirdi – 3:3. Budan keıin Elena breıkpen esepti 5:3-ke jetkizdi. Sodan soń matchty taǵy bir breıkpen túıindedi – 6:3.
Báseke týra bir saǵatqa sozyldy.
E.Rybakına ekinshi aınalymda Nıderlandy eliniń ókili Arancha Rýs nemese qytaılyq Sııýı Vannyń bireýimen kortqa shyǵady.
Eske sala keteıik, budan buryn ıÝlııa Pýtıntsevanyń Ábý-Dabı týrnırin jeńispen bastaǵanyn, al Zarına Dııastyń utylyp qalǵanyn jazǵan edik.
