Tennısshi Dmıtrıı Popko Rolan Garros týrnıriniń irikteý saıysyn sátti bastady
NUR-SULTAN. QazAqparat - Qazaqstandyq Dmıtrıı Popko Rolan Garros týrnıriniń irikteý saıysyn sátti bastady, dep habarlaıdy QazAqparat tilshisi.
Álemniń 168-raketkasy D.Popko reıtıngte 196-orynda turǵan argentınalyq Andrea Kollarınımen kezdesti.
Qazaqstandyq tennısshi qarsylasyn 6:2, 6:1 esebimen ońaı utty.
Báseke 1 saǵat 1 mınýtqa sozyldy.
D.Popko irikteý saıystarynyń jartylaı fınalynda álemniń 136-raketkasy, germanııalyq Oskar Otte nemese reıtıngte 176-satydaǵy slovakııalyq Lýkash Latskonyń qaı jeńgenimen sheberlik baıqasady.
Qazirgi kezde irikteý saıysy bolyp jatqan Frantsııa ashyq chempıonaty bıyl 27 qyrkúıek - 11 qazan aralyǵynda ótedi.
Jyl saıyn mamyr aıynda bastalatyn atalmysh «Úlken dýlyǵa» týrnıri bıyl koronavırýs indetine baılanysty keıinge shegerilgen edi.
Eske sala keteıik, budan buryn A.Býblıktiń Gambýrgte negizgi týrnırge óte almaǵanyn jazǵan bolatynbyz.
