Tennısshi Denıs Evseev Shymkent týrnırin jeńispen bastady
NUR-SULTAN. QazAqparat – Qazaqstandyq Denıs Evseev Shymkent Challenger 80 týrnırin jeńispen bastady, dep habarlaıdy QazAqparat tilshisi.
Álemniń 337-raketkasy D. Evseev bastapqy kezdesýin dúnıejúzilik reıtıngte 416-orynda turǵan úndistandyq Sasıkýmar Mýkýndpen ótkizdi.
Qazaqstandyq tennısshi 7:5, 6:2 esebimen jeńiske jetti.
Báseke 1 saǵat 38 mınýtqa sozyldy. Denıs 3 eıspen birge 20 breık-poınttyń altaýyn paıdalana aldy. Qarsylasy 4 breıkpen kózge tústi.
D. Evseev shırek fınalǵa shyǵý úshin álemniń 286-ynshy, osy jarystyń 7-raketkasy, reseılik Evgenıı Karlovskıımen talasady.
Ókinishke qaraı, basqa qazaqstandyq tennısshiler jarys jolynan shyǵyp qaldy.
Eske sala keteıik, budan buryn ıÝlııa Pýtıntsevanyń Rım týrnıriniń ekinshi aınalymyna shyqqanyn, Andreı Golýbevtiń Rım masters jarysyn sátti bastaǵanyn jazǵan bolatynbyz.
Sondaı-aq, Elena Rybakına Rım jarysynyń ekinshi aınalymyna ótti.
